افغان حڪومت شهيدن ۾ 7 افغاني شهري هئڻ جو ٻڌايو :لياقت شاهواڻي

ڪوئٽا  ( م ڊ ) بلوچستان حڪومت جي ترجمان لياقت شاهواڻي مچ  ۾ هزارا ڪميونٽي  جي ماڻهن جي شهادت معاملي تي ڳالهائيندي   چيو ته مسلم ليگ ن جي نائب صدر مريم نواز ۽ پ پ چيئرمين بلاول ڀٽو کي اڄ سنجيدگي ڏيکارڻ گهرجي ها، پر اها قطعي نظر نه آئي. ڪوئيٽا ۾ پريس ڪانفرنس ڪندي هن وڌيڪ چيو ته  اسان کي توقع هئي ته اڄ پوائنٽ اسڪورنگ نه ٿيندي ۽ هزارا برادري جي زخمن تي مرهم رکندا ۽ حوصلو ڏيندا، پر افسوس ته هنن سياسي پوائنٽ اسڪورننگ ڪئي  ۽ ائين نه چيو ته مڙهه جي تقدس کي نظر ۾ رکندي دفنايا وڃن، مخالف ڌر لاشن تي سياست ڪري پئي، هن چيو ته افغان حڪومت خط لکي چيو آهي ته ان ۾ 7 افغاني شهري آهن، ان لاءِ مڙهه سندن حوالي ڪيا وڃن  لياقت شاهواڻي هڪ ڀيرو ٻيهر ڌرڻو هڻي ويٺلن کي پنهنجي پيارن جا لاش دفنائڻ جي اپيل ڪئي.

 

You might also like

Leave A Reply

Your email address will not be published.