عابد ملهي پاران پاڻ گرفتاري ڏيڻ جو انڪشاف، جيل حوالي

لاهور (م ڊ ) موٽروي تي عورت سان زيادتي واري ڪيس ۾ گرفتار ڪيل مک جوابدار عابد ملهي کي عدالت ۾ پيش ڪيو ويو، جڏهن ته جوابدار  پاران پاڻ گرفتاري ڏيڻ جو انڪشاف ٿيو آهي، جوابدار جي والد موجب سڀ گهرڀاتي گرفتار ٿيل هئا تنهن ڪري عابد کي پوليس آڏو پيش ٿيڻ جو چيو، عدالت جوابدار کي 14 ڏينهن جي جڊيشل رمانڊ تي لاءِ جيل موڪلي ڇڏيو آهي، جڏهن ته موٽر وي زيادتي ڪيس جي مرڪزي جوابدار عابد ملهي جاچ دوران اهم انڪشاف پڻ ڪيا آهن، عابد سي آءِ اي لاهور ۾ جاچ دوران ٻڌايو ته هو هڪ مهيني تائين پبلڪ ٽرانسپورٽ ۾ مختلف شهرن ۾ گهمندو رهيو، ذريعن موجب مرڪزي جوابدار عابد ملهي چيو ته، آئون شفقت ۽ بالا مستري 9 سيپٽمبر تي واردات جي ارادي سان ڪورول ڳوٺ مان نڪتاسين، بالا مستري رستي ۾ واپس هليو ويو، جڏهن ته آئون ۽ شفقت ڪورول جهنگ جي طرف وياسين، جتي اسان ٻن ٽن ٽريڪٽر ٽرالي وارن کي ڦريو، عابد ٻڌايو ته موٽر وي تي گاڏي جا انڊيڪيٽرز ٻري رهيا هئا، اُتي پهتاسين ته عورت کي ڏسي گاڏي مان نڪرڻ جو چيو، جڏهن ته عورت جي انڪار تي گاڏي جا ششيشا ٽوڙيا ۽ ان کي زبردستي ٻاهر ڪڍيو، جوابدار اعتراف ڪيو ته عورت کان واچ، زيور ۽ رقم ڦرڻ بعد ان کي موٽر وي کان هيٺ وڃڻ جو چيو ۽ جڏهن انڪار ڪيو ته ٻارن کي هيٺ وٺي وياسين، عورت ٻارن کي بچائڻ لاءِ آئي ته ان کي ٻارن آڏو زيادتي جو نشانو بڻايو ويو. عابد انڪشاف ڪيو ته واقعي جي ڪجهه دير بعد ڊولفن اهلڪارن اچي فائرنگ ڪئي ته اسان فرار ٿي وياسين، مان ننڪانه ۽ جڏهن ته شفقت ديپالپور هليو ويو، ياد رهي ته گذريل ڏينهن موٽر وي زيادتي ڪيس جي مرڪزي جاوبدار عابد کي فيصل آباد مان گرفتار ڪيو ويو هو.

 

You might also like

Leave A Reply

Your email address will not be published.