هيوسٽن: ڏنگي ۽ ڀنڊار ٻيٽ تي قبضي خلاف سانا پاران تحريڪ جو اعلان

سنڌي ايسوسيئيشن آف نارٿ آمريڪا جي سينٽرل ايگزيڪيوٽو ڪائونسل جو هنگامي اجلاس مرڪزي صدر محمد علي مهر جي صدارت هيٺ ٿي گذريو. اجلاس ۾ سنڌ جي موجوده صورتحال ۽ خاص طور تي ڏنگي ۽ ڀنڊار ٻيٽ وڪرو ڪرڻ ۽ پاڪستان آئلينڊز اٿارٽي قائم ڪرڻ خلاف مرحليوار تحريڪ شروع ڪرڻ تي غور ويچار ڪيو ويو. ان موقعي تي ڳالهائيندي سانا صدر محمد علي مهر چيو ته سنڌ ۾ ون يونٽ جهڙي صورتحال پيدا ڪئي وئي آهي. سنڌ جي زمينن تي قبضن کانپوءِ هاڻي سامونڊي پٽي ۽ ٻيٽ وڪرو ڪرڻ جون تياريون ڪيون پيون وڃن. ، ڏنگي ۽ ڀنڊار سميت سمورا ٻيٽ سنڌ جي ملڪيت آهن. انهن تي ڪنهن به صورت ۾ وفاق جو قبضو برداشت نه ڪيو ويندو. اجلاس ۾ فيصلو ڪيو ويو ته شروعاتي طور تي واشنگٽن ڊي سي ۾ آمريڪي اسٽيٽ ڊپارٽمينٽ آڏو آحتجاجي مظاهرو، آمريڪا ۾ ڪانگريس مين، سينيٽرز ۽ عالمي ميڊيا جي ادارن سان رابطا ۽ سنڌ ۾ پرنٽ ۽ اليڪٽرانڪ ميڊيا ذريعي عام ماڻهن ۾ جاڳرتا پيدا ڪرڻ لاءِ اشتهار هلائڻ جو فيصلو ڪيو ويو.

You might also like

Leave A Reply

Your email address will not be published.