وزيراعظم جو نوٽيس بي لاڀ، کنڊ 100 رپيا ڪلو ٿي وئي

 

اسلام آباد (ويب ڊيسڪ) وزيراعظم عمران خان جي نوٽيس باوجود ملڪ ۾ کنڊ جي اگهه ۾ مسلسل واڌ جو سلسلو جاري آهي ۽ کنڊ 100 رپيا في ڪلو تائين وڪرو ڪئي پئي وڃي.

وفاقي شماريات اداري به ملڪ ۾ في ڪلو کنڊ 100 رپين تائين پهچڻ جي تصديق ڪندي چيو آهي ته اسلام آباد ۽ پشاور ۾ کنڊ 100 رپيا ڪلو وڪرو ٿي رهي آهي، جڏهن ته ڪراچي، راولپنڊي ۽ ڪوئيٽا ۾ في ڪلو کنڊ جي قيمت 95 رپيا، لاهور، فيصل آباد، ملتان ۽ لاڙڪاڻي ۾ کنڊ جي قيمت 90 رپيا ڪلو آهي.

شماريات اداري جي مهانگائي تي جاري ڪيل هفتي وار رپورٽ موجب سکر، حيدرآباد، گوجرانوالا، سيالڪوٽ ۾ کنڊ 92 رپيا في ڪلو دستياب آهي.

وفاقي شماريات اداري موجب چئن هفتن ۾ 11 رپين کان وڌيڪ واڌ کانپوءِ کنڊ جي ايوريج قيمت 92 رپيا ڪلو ٿي وئي آهي.

رپورٽ موجب اٽي سميت 17 کاڌي پيتي جي شين جي اگهن ۾ هڪ هفتي دوران واڌ رڪارڊ ڪئي وئي، هڪ هفتي ۾ 20 ڪلو اٽي جي ٻوري 10 رپيا، ٽماٽو 14 رپيا في ڪلو مهانگو ٿيو، جڏهن ته پٽاٽي ۽ بصر جي اگهه ۾ به واڌ رڪارڊ ڪئي وئي.

رپورٽ موجب هڪ هفتي دوران 8 شين جي اگهن ۾ گهٽتائي ٿي، ڪڪڙ جو گوشت 15 رپيا في ڪلو، مڱن جي دال 3 رپيا، چڻن ۽ مهري جي دال 2-2 رپيا سستي ٿي، جڏهن ته 26 شين جا اگهن ۾ استحڪام رهيو.

شماريات اداري موجب هڪ هفتي ۾ مجموعي طور مهانگائي 0.31 سيڪڙو وڌي.

You might also like

Leave A Reply

Your email address will not be published.