سنڌ ۾ هڪ مهيني لاءِ سمنڊ ۽ درياهه ۾ وهنجڻ تي پابندي

 

ڪراچي (ويب ڊيسڪ) سنڌ حڪومت صوبي ۾ هڪ مهيني لاءِ قلم 144 لاڳو ڪري ڇڏيو.

صوبائي گهرو کاتي قلم 144 لاڳو ڪرڻ جي حوالي سان نوٽيفڪيشن جاري ڪري ڇڏيو آهي، جنهن موجب سنڌ ۾ درياهه، ڍنڍ ۽ سمنڊ تي عوامي ميڙاڪي ۽ وهنجڻ تي پابندي هوندي.

پڌرائيءَ ۾ چيو ويو آهي ته تهوار جي موقعي تي انهن هنڌن تي ميڙاڪن سبب جانيون ضايع ٿيڻ جو خدشو آهي.

ان کانسواءِ سنڌ ۾ هوائي فائرنگ ۽ موٽر سائيڪل جي ون ويلنگ تي به پابندي رهندي.

گهرو کاتي عيدالاضحيٰ جي موقعي تي ايئرپورٽ جي ڀرپاسي وارن علائقن ۾ به قلم 144 لاڳو ڪرڻ جو اعلان ڪيو آهي.

پڌرائيءَ موجب قرباني جي جانورن جي باقيات ايئرپورٽ ڀرسان ڦٽو ڪرڻ جي پابندي هوندي ۽ اها پابندي هڪ مهيني تائين رهندي.

سنڌ جي گهرو کاتي چيو آهي ته جانورن جي باقيات اڇلائڻ سبب پکين جي گڏ ٿيڻ سان فضائي حادثن جو خدشو آهي.

You might also like

Leave A Reply

Your email address will not be published.