سنڌ هاءِ ڪورٽ جو عيد الاضحيٰ تي ڪراچي ۾ صفائي جا خاص بندوبست ڪرڻ جو حڪم

ڪراچي(ويب ڊيسڪ) سنڌ هاءِ ڪورٽ ڪراچي ۾ عيدالاضحيٰ تي صفائي سٿرائي جا خاص بندوبست ڪرڻ جو حڪم جاري ڪري ڇڏيو آهي.

عدالتي حڪم تي سالڊ ويسٽ بورڊ ۽ چيئرمين ڊسٽرڪٽ سينٽرل کي ڌر بڻايو ويو. سنڌ هاءِ ڪورٽ شهر ۾ عيدالاضحيٰ جي موقعي تي اوجهه ٺڪاڻي لڳائڻ، گند کڻڻ، مينهن جو پاڻي فوري طور صاف ڪرڻ ۽ صفائي جا خاص بندوبست ڪرڻ بابت جسٽس خادم حسين ايم شيخ ۽ جسٽس ارشد حسين خان تي ٻڌل ٻه رڪني بينچ لکت وارو حڪم نامو جاري ڪيو.

عدالت لاڳاپيل ادارن کي شهر ۾ جتي به مينهن جو پاڻي موجود آهي ان کي فوري طور صاف ڪرڻ جو حڪم به ڏئي ڇڏيو. جاري حڪم نامي ۾ عدالت چيو آهي ته شهر کي صاف سٿرو رکڻ لاڳاپيل ادارن جي ذميواري آهي. عدالت ڪراچي صاف ڪري لاڳاپيل دارن کان 13 آگسٽ تي رپورٽ طلب ڪري ورتي.

You might also like

Leave A Reply

Your email address will not be published.