”جيڪڏهن مائنس ون جي ڳالهه آئي ته پوءِ مائنس ٿري ٿيندو“

لاهور(ويب ڊيسڪ) ريلوي واري وفاقي وزير شيخ رشيد چيو آهي ته اسان آخري چوائس آهيون نه اسان مائنس ون آهيون پر جيڪڏهن مائنس ون جي ڳالهه ته پوءِ مائنس 3 هوندو.

لاهور ۾ نيوز ڪانفرنس ڪندي ريلوي واري وفاقي وزير جو چوڻ آهي ته وزير اعظم عمران خان گهڻي محنت ڪري حڪومت هلائڻ جي ڪوشش ڪري رهيو آهي  جيڪڏهن مائنس ون نه هوندو، مائنس ٿري هوندو.

هڪ سوال جي جواب ۾ سندس چوڻ هو ته پاڪستان تحريڪ انصاف جي ميمبرن کان گذارش ٿو ڪيان ته پنهنجي خراب ڪپڙا ٽي وي تي نه ڌوئن.

هن چيو ته مخالف ڌر اُهو ڪم ڪري رهي آهي جيڪي ڪجهه سرڪاري وزير ڪري رهيا آهن، مخالف ڌر ڪجهه به نٿي بگاڙي سگهي ڇو ته اِهو طئي ٿي چڪو آهي ته مخالف ڌر، نالائق ۽ ڪرپٽ آهي.

هن وڌيڪ چيو ته هان اسان ڊيليور ڪرڻو آهي اسان جي مٿان ذميواري آهي ته اسان ڪهڙي طرح عوام کي ڊيليور ڪري سگهون ٿا ۽ وزير اعظم عمران خان کي ڪهڙي طرح ثابت ڪري سگهون ٿا.

هن چيو ته سڄي قوم جو معيار ايترو گهٽ آهي جو 14 وزارتون هلائيندڙ شخص کي 5 لک جي عيوض به هڪ انجيڪشن نه ملي ۽ نيشنل ڊيزاسٽر مينجمنٽ اٿارٽي (اين ڊي ايم اي) جي چيئرمين جنرل محمد افضل ان جو بندوبست ڪيو.

تازو ئي ڪووڊ-19 مان صحتياب ٿيل وفاقي وزير چيو ته ڪورونا وائرس سنجيده ۽ خوفناڪ بيماري آهي مون تي 4 آپگهاتي حملا ٿيا جنهن ۾ منهنجا ساٿي شهيد ٿي پر مون گهٻرايو پر اِها بيماري الله تعاليٰ ڪنهن دشمن کي به نه ڏئي، الله شهباز شريف کي به صحت ڏئي.

شيخ رشيد چيو ته فوج ڪورونا وائرس، ماڪڙ جي خلاف جنگ وڙهي رهي آهي ۽ ٻوڏ خلاف تياريون ڪري رهي آهي، پاڪستان جي فوج اُها عظيم فوج آهي جيڪا اصل ۾ هن ملڪ جي ڪرنگهي جي هڏي آهي.

هڪ سوال جي جواب ۾ هن وڌيڪ چيو ته اِها مخالف ڌر عمران خان جو ڪجهه به بگاڙي نٿي سگهي، ٻئي پارٽيون پڪڙيون ويون آهن، انهن جي خلاف سنگين ڪيس آهن ته انهن جو جند نه ڇٽندي.

شيخ رشيد چيو ته کنڊ برآمد ڪرڻ جي مخالف ڪئي هئي ۽ ڪابينا، ان جي اقتصادي ڪميٽي جي اجلاس ۾ منهنجو واحد اختلافي نوٽ آهي جنهن ۾ چيو ويو هو ته کنڊ برآمد نه ٿيڻ گهرجي.

هن چيو ته هي مافياز آهن، پيٽرول ۾ بي وقت قيمت سستي ڪئي وئي ان وقت سستو ڪرڻ جو وقت نه هو ۽ هڪ سازش جي تحت مهانگائي ڪئي وئي جڏهن ته صبح هو جيئن ان جي منظور ٿيڻ سان مسئلا پيدا ٿين.

ريلوي بابت سندس چوڻ هو ته هي سال ريلوي جي ترقي ۽ انقلاب جو سال آهي ۽ جن ڏيڍ ماڻهن کي نوڪريون ملنديون انهن سڀني کي ميرٽ تي ڀرتيون ڏنيون وينديون.

You might also like

Leave A Reply

Your email address will not be published.