ڪورونا سان متاثر لاهور پوليس جي ملازمن جو انگ 115 ٿي ويو

لاهور (ويب ڊيسڪ) لاهور پوليس ۾ ڪورونا وائرس سان متاثر آفيسرن ۽ اهلڪارن جو انگ 115 ٿي ويو.

پوليس ترجمان موجب ايس پي سيڪيورٽي بلال ظفر شيخ، ايس پي سٽي انويسٽيگيشن توحيد ميمڻ، ايس پي انويسٽيگيشن ماڊل ٽائون اسد مظفر ڪورونا ۾ مبتلا ٿي ويا آهن، جڏهن ته ڊي ايس پي سمن آباد وحيد اسحاق ۽ انسپيڪٽر ظهير الدين بابر جي ڪورونا ٽيسٽ به هاڪاري آئي آهي.

ترجمان جو چوڻ هو ته ايس ايڇ او باغبانپوره محمد رضا ۽ انچارج انويسٽيگيشن ڊفينس سي عدنان مسعود به ڪورونا متاثرن ۾ شامل آهن.

سي سي پي او ذوالفقار حميد موجب هيل تائين 115 پوليس ملازم ڪورونا وائرس ۾ وٺجي چڪا آهن، جڏهن ته 3 اهلڪار شمس، رمضان عالم ۽ رائو جاويد شهيد ٿي چڪا آهن.

سندس وڌيڪ چوڻ هو ته 61 اهلڪارن صحتياب ٿيڻ کانپوءِ ٻيهر ڊيوٽيون سنڀالي ورتيون آهن.

You might also like

Leave A Reply

Your email address will not be published.