مصالحا  پوري

مصالحيدار چاٽ جي خاندان سان واسطو رکندڙ چٽ پٽي مصالحا پوري ڏکڻ هند جي گھٽين گھٽين ۾ وڪرو ٿيندڙ مقبول ڊش آهي جنهن کي گھر ۾ سولائيءَ سان تيار ڪري سگھجي ٿو. پنهنجي انوکي ۽ چٽ پٽي ذائقي سبب اها ڊش سموري ننڍي کنڊ ۾ مقبوليت حاصل ڪري چڪي آهي.

گھربل شيون

تيل : کائڻ جا 2 کان 3 چمچا

چڻا : ڪوپ

ڪارا چڻا: هڪ ڪوپ

پاڻي : ضرورت موجب

هيڊ پيٺل: چانهه جو اڌ چمچو

ٿوم جو پيسٽ: چانهه جو هڪ چمچو

ادرڪ جو پيسٽ: چانهه جو هڪ چمچو

گرم مصالحو: کائڻ جو هڪ چمچو

لوڻ : ذائقي موجب

سونف: چانهه جو هڪ چمچو

کٽائي پائوڊر: چانهه جو هڪ چمچو

ساوا مرچ: ڪاٽيل: هڪ عدد

گدامڙي جي چٽڻي: کائڻ جو هڪ چمچو

پٽاٽا: ڪاٽيل: هڪ کان ٻه عدد

ٽماٽا ڪاٽيل: هڪ کان ٻه عدد

ترڪيب:

  • هڪ ڪڙاهي ۾ تيل وجهي گرم ڪيو پوءِ ان ۾ بصر وجهي برائون ٿيڻ تائين بصرن کي ڀُڃون.
  • هاڻ ان ۾ چڻا ۽ مٽر وجهو ۽ سٺي طريقي گڏايو.
  • گڏائڻ کان پوءِ ان ۾ پاڻي، پيٺل ڳاڙها مرچ، ادرڪ، ٿوم جو پيسٽ ۽ گرم مصالحو شامل ڪري سٺي طرح مڪس ڪيو ته جيئن سموريون شيون گڏجي وڃن.
  • هاڻ ان ۾ لوڻ، سونف، کٽائي پائوڊر، ساوا مرچ، گدامڙي جي چٽڻي، ڪاٽيل پٽاٽا ۽ ٽماٽا وجهي سٺي طرح مڪس ڪيو.
  • ان کان پوءِ چاٽ مصالحو وجهي سٺي طريقي سان گڏائڻ کان پوءِ 5 منٽن لاءِ دم تي رکي ڇڏيو.

اوهان جي مزيدار مصالحا پوري تيار آهي.

You might also like

Leave A Reply

Your email address will not be published.