گوبي گوشت

گھربل شيون:

تيل : چار کان پنج کائڻ جا چمچا

بصر ڪاٽيل: ٻه عدد

ٿوم جو پيسٽ:  چانهه جو هڪ چمچو

ادرڪ جو پيسٽ: چانهه جو هڪ چمچو

ڪارا مرچ: چانهه جو اڌ چمچو

ٽماٽا ڪاٽيل: ٻه عدد

لوڻ: ذائقي موجب

پيٺل ڌاڻا: چانهه جو اڌ چمچو

زيرو پيٺل: چانهه جو هڪ چمچو

گرم مصالحو: کائڻ جو هڪ چمچو

ڏهي: اڌ ڪوپ

پاڻي ضرورت موجب

گوبي : اڌ ڪلو

ساوا مرچ: سجاوٽ لاءِ

ترڪيب:

1-هڪ وڏي ٿانو ۾ تيل وجهي هلڪي باهه تي گرم ڪرڻ کان پوءِ ان ۾ بصر وجهي هلڪا برائون ٿيڻ تائين ڀڃي وٺو.

2- هاڻ ان ۾ گوشت وجهڻ کان پوءِ ان ۾ ادرڪ ٿوم جو پيسٽ، ڪارا مرچ ۽ لونگ وجهو ۽ سـٺي نموني ڀڃي وٺو.

3-ان کانپوءِ ڪاٽيل ٽماٽا وجهي سٺي طريقي سان مڪس ڪيو.

4- مڪس ڪرڻ کان پوءِ لوڻ، پيٺل زيرو، پيٺل ڌاڻا، گرم مصالحو، ڳاڙها مرچ ۽ هيڊ وجهي ٻيهر سٺي نموني گڏائڻ کان پوءِ ڍڪ ڏئي 8 منٽن تائين پچڻ ڏيو.

5-  ان کانپوءِ ان ۾ پاڻي وجهي پچڻ ڏيو.

6-هاڻ ان ۾ ڏهي وجهي سـٺي طرح  ڀڃي وٺو، پوءِ ڌڪ ڏئي 5 منٽن تائين دم تي رکي ڇڏيو.

7- ان کانپوءِ هڪ ڌار ٿانو ۾ هڪ ليٽر پاڻي وجهي هلڪي باهه تي گرم ڪيو پاڻي گرم ٿيڻ کان پوءِ ان ۾ گوبي وجهو ۽ 3 منٽن تائين اٻرڻ ڏيو.

8- اٻريل گوبي کي پهريان کان تيار ڪيل گوشت جي مرڪب ۾ وجهي سـٺي طريقي گڏايو.

9- هاڻ ان تيار مرڪب کي تازن ساون ڌاڻن ۽ ساون مرچن سان سجايو.

اوهان جو تازو گوبي گوشت تيار آهي.