ريشمي ڪباب تيار ڪرڻ جي ترڪيب

ڪراچي (ويب ڊيسڪ) اڄ اسان اوهان لاءِ مغل بادشاهن جي شاهي ڊش نرم ۽ مزيدار ريشمي ڪباب جي ريسپي آندي آهي، ريشمي ڪباب پنهنجي انوکي ۽ لاجواب ذائقي جي ڪري گھڻو مشهور آهي. ان کي نان ۽ قلچي ٻنهي سان گڏ کائڻ جو پنهنجو پنهنجو مزو آهي، جيڪڏهن اوهان گھر ۾ ڪا دعوت رکي آهي ته ريشمي ڪباب ان تقريب جي سڀ کان خاص ڊش ثابت ٿي سگھي ٿي.

هي به پڙهي سگھو ٿا: شملا چڪن

ٽن ماڻهن لاءِ

گھربل شيون:

بيف جو قيمو : اڌ ڪلو

ادرڪ جو پيسٽ: چانهه جو هڪ چمچو

ٿوم جو پيسٽ: چانهه جو هڪ چمچو

پپيتي جو پيسٽ: هڪ ڪوپ

ڳاڙها مرچ پيٺل: چانهه هو هڪ چمچو

ساوا مرچ ڪاٽيل: ٻه کان 3 عدد

زيرو پيٺل: چانهه جو هڪ چمچو

لوڻ: ذائقي موجب

ڌاڻن جو پائوڊر: چانهه جو هڪ چمچو

ڏهي: هڪ ڪوپ

بصر ڪاٽيل: هڪ عدد

ڌاڻا: اڌ ويڙهي

تيل: هڪ ڪوپ

ڌاڻا: سجاوٽ لاءِ

ادرڪ: سجاوٽ لاءِ

ترڪيب:

1سڀ کان اڳ هڪ وڏي پيالي ۾ قيمو وجهو ان ۾ ادرڪ ۽ پپيتي جو پيسٽ گڏايو ۽ ان کي هڪ ڪلاڪ تائين ميرينيٽ ٿيڻ لاءِ رکي ڇڏيو.

2 هاڻ ميرينيٽ ڪيل قيمي کي بلينڊر ۾ وجهي ان ۾ ڳاڙها مرچ، ڪاٽيل ساوا مرچ، ڌاڻن جو پائوڊر، زيرا پائوڊر، لوڻ، ڏهي ۽ ڊبل روٽي جي کي ٽڪرن ۾ ٽوڙي وجهو ۽ سٺي طرح بلينڊ ڪيو.

3 ان کان پوءِ ان ۾ ڌاڻا وجهو ۽ ٻيهر بلينڊ ڪيو.

4 هاڻ هڪ ٿانو ۾ تيل گرم ڪيو ۽ بلينڊ ڪيل قيمي کي ان ۾ وجهي فراءِ ڪيو. ڏهن منٽن تائين سٺي طرح فراءِ ڪرڻ کان پوءِ ان تي ڌڪڻ ڏئي وڌيڪ 10 کان 15 منٽن تائين دم تي رکي ڇڏيو.

5 ان کان پوءِ ساوا ڌاڻا، ساوا مرچ ۽ ادرڪ سان ان کي سجايو.

هي به پڙهي سگھو ٿا: پالڪ دال

اوهان جو مزيدار ريشمي ڪباب تيار آهي.

Leave A Reply

Your email address will not be published.