پالڪ دال

ڪراچي (ويب ڊيسڪ) اها دال جي هڪ اهڙي ڊش آهي جنهن کي پالڪ ۽ مصالحن سان تيار ڪيو ويندو آهي جيڪي ان جي ذائقي کي مزيدار بڻائيندا آهن. پالڪ هڪ صحت بخش ۽ مزيدار ڀاڄي آهي. ان ڊش ۾ وڌل ٿوم جا ٽڪرا ان جي خوشبو ۽ مزو وڌيڪ وڌائي ڇڏيندا آهن. اها چانورن ۽ ماني ٻنهي سان پيش ڪئي ويندي آهي.

هي به پڙهي سگھو ٿا: مزيدار سنگاپور رائيس تيار ڪرڻ جو طريقو..

شيون:

کاڄرو تيل: کائڻ جا چار چمچا

ٿوم جون ڪاٽيل ڳڙيون: چار عدد

ڪارا مرچ؛  چانهه جي چمچي جو چوٿون حصو

لونگ: 3 کان 4 عدد

دار چيني: ٻه عدد

ٽماٽا ڪاٽيل: ٻه عدد

ڳاڙها مرچ پيٺل: چانهه جو هڪ چمچو

پيٺل هيڊ: چانهه جو اڌ چمچو

ٽماٽن جو پيسٽ: کائڻ جو هڪ چمچو

مڱن جي دال ڀڳل: 3 ڪوپ

گرم مصالحو: چانهه جو اڌ چمچو

ڌاڻا  پيٺل: چانهه جو اڌ چمچو

چڪن پائوڊر: چانهه جو هڪ چمچو

پاڻي: ضرورت جيترو

ساوا مرچ ؛ چار کان پنج عدد

پاڪ ڪاٽيل: اڌ ڪلو

تيار ڪرڻ جو طريقو:

1-هڪ ننڍي ٿانو ۾ کاڄرو تيل وجهي ان کي گرم ڪيو، پوءِ ان ۾ ڪاٽيل ٿوم، ڪارا مرچ، لونگ ۽ دار چيني وجهي سٺي طريقي ڀڃي وٺو.

2-هاڻ ۾ ڪاٽيل ٽماٽا وجهو ۽ سٺي طريقي ڀڃو ڀڃڻ کان پوءِ ان ۾ پسايل دال وجهي ان کي به سٺي طريقي ڀڃيو.

هي به پڙهي سگھو ٿا: ڪريلن جو قيمو…!

3-هاڻ ان ۾ گرم مصالحا، پيٺل ڌاڻا ۽ چڪن پائوڊر وجهي سٺي طريقي مڪس ڪيو.

4-ان کان پوءِ ان ۾ پاڻي ۽ساوا مرچ وجهي سٺي طريقي ڀڃو ۽ ڌڪڻ ڏئي 8 منٽن تائين دم تي رکي ڇڏيو ته جيئن دال سٺي نموني ڳري وڃي.

5-ان کانپوءِ ان ۾ اٻريل پالڪ وجهو ۽ سٺي طريقي گڏايو.

6-هاڻ ان ۾ پاڻي وجهي سٺي ڀُڃو ۽ ڌڪ ڏئي هلي باهه تي 5 کان 8 منٽ تائين دم تي رکي ڇڏيو

7-اوهان جي گرما گرم پاڪ دال تيار آهي.

Leave A Reply

Your email address will not be published.