*ڳاڙهي ويجهو ڳوٺ محمد يوسف شورو ۾ غريب پورھيت اڪرم شورو جا 2 معصوم گلن جھڙا ٻارڙا پرسرار بيماري ۾ ورتل آهن جنهن ڪري گهر مان خوشيون اڏامي ويون آهن.
پورھيت اڪرم شورو جو چوڻ آهي ته هو مسڪين ماڻهو آهي محنت مزدوري ڪري گهر جو گذارو ڪري ٿو .
هن ٻڌايو ته سندس ٻار ڄمڻ وقت صحتمند هئا پر ڪجهه سالن بعد بيمار ٿي ويا آهن جنهن ڪري سندن سمورو گهر ڊاون ڊول ٿي ويوآهي .
هن چيو ته وس آهر ٻارن جو علاج ڪرايو آهي پر ڦڪين فرق نه ڪيو
هن سرڪار ۽ سرندي وارن توڙي سماجي تنظيمن کي اپيل ڪئي آهي ته سندس ٻارن جو علاج ڪرائي سندن اڱڻ تي خوشيون واپس آنديون وڃن …………..
