وڏف ۽ مصري جو ميلاپ گھڻن کي پسند هوندو آهي پر ڇا اوهان کي خبر آهي ته مصريءَ جي اندر قدرت جو خزانو لڪيل آهي.
مصري کي راڪ شگر چيو ويندو آهي اها هڪ قسم جي صاف نه ٿيل کنڊ آهي جيڪا ڪمند جي رسُ مان تيار ڪئي وڃي ٿي، هندستان ۽ پاڪستان ۾ اهو قدرتي مٺاڻ توانائي وڌائڻ جي طور تي مشهور آهي.
صحت لاءِ مصريءَ جا ڪجهه بهترين فائدا هيٺ بيان ڪجن ٿا
توانائي وڌائي ٿي
مصري توانائي جو هڪ بهترين ذريعو آهي، اها هڪ سادو ڪاربوهائڊريٽ آهي جنهن کي جسم تيزي سان گلوڪوز ۾تبديل ڪري سگهي ٿو، نتيجي جي طور تي جيڪڏهن اوهان ٿَڪُ يا توانائي جي کوٽ محسوس ڪري رهيا آهيو ته اها توانائي جو هڪ بهترين ذريعو آهي.
هاضمي لاءِ مددگار
مصري کي کاڌي کان پوءِ استعمال ڪرڻ سان جسم ۾ تيزي سان ميٽابولزم جو عمل تيز ٿي ويندو آهي جيڪو هاضمي کي حاصل ڪرڻ جو هڪ بهترين طريقو به آهي. جن ماڻهن کي شگھر ناهي پر انهن کي شگر ليول ڪنٽرول ۾ رکڻ جي ضررورت آهي ته اهي کاڌي کان پوءِ محفوظ طريقي سان مصري کائي سگھن ٿا. اها هاضمي جي نظام کي هٿي ڏئي اوهان جي معدي کي صحتمند رکڻ ۾مدد ڪري سگھي ٿي.
ڳلي جي سوڄ جو علاج
سياري جي موسم ۾ ڳلي جي خرابي ۽ کنگهه جهڙين علامتن کي گھٽائڻ لاءِ مصري فائديمند آهي، مصري ۽ ڪارن مرچن جو پائوڊر استعمال ڪرڻ سان اوهان جي ڳلي جي خرابي ختم ٿي ويندي. سمهڻ کان اڳ اهو مڪسچر قدرتي طور تي اوهان جي ڳلي جي خرابي، کنگهه ۽ ٿڌ کان ڇوٽڪارو ڏياريندو.
هيموگلوبن جي سطح کي وڌائي ٿي
صحتمند ۽ تندرست رهڻ لاءِ عام هيموگلوبن جي سطح کي برقرار رکڻ گھڻو ضروري هوندو آهي. مردن ۾ هيموگلوبن جي سطح 13.2 ۽ 16.6 گرام في ڊيسي ليٽر وچ ۾ هجڻ گھرجي، جڏهن ته عورتن ۾ ليول 11.6 کان 15 گرام في ڊيسي ليٽر وچ ۾ هجڻ گھرجي.
جيڪڏهن هيموگلوبن جي سطح معمول جي حد کان هيٺ اچي وڃي ته صحت جي مختلف مسئلن جهڙوڪ رت جي کوٽ، ڪمزوري، چڪر اچڻ ۽ مٿي جي سور جو سبب بڻجي سگھي ٿو. مصري جسم ۾ هيموگلوبن جي سطح کي وڌائي ۽ رت جي وهڪري کي بهتر بڻائي صحت جي اهڙن مسئلن کي روڪڻ ۾ مدد ڪري ٿي.
