ڪوئيٽا ( ويب ڊيسڪ ) بلوچستان جي علائقي ڪيچ ۾ دهشتگردن جي حملي ۾ پاڪ فوج جا چار جوان شهيد ٿي ويا آهن.
پاڪ فوج جي ترجمان اداري آءِ ايس پي آر موجب دهشتگردن پاڪ-ايران بارڊر وٽ جلگئي سيڪٽر تي حملو ڪيو.
آءِ ايس پي آر موجب شهيد جوانن ۾ نائيڪ شير احمد ۽ لانس نائيڪ محمد اصغر، سپاهي محمد عرفان ۽ عبدالرشيد شامل آهن.
آءِ يس پي آر جو وڌيڪ چوڻ آهي ته دهشتگردن خلاف اثرائتي ڪارروائي لاءِ ايراني لاڳاپيل اختيارين سان رابطو ڪيو پيو وڃي.
