مرد عورتن ۾ ڪجهه اهڙيون خاصيتون چاهيندا آهن، جيڪي کين ٻين کان مختلف ڪن ۽ انهن جي هڪ الڳ سڃاڻپ هجي.
اهي اهڙين عورتن کي وڌيڪ پسند ناهن ڪندا، جن وٽ ڪا منزل نه هجي ۽ مستقبل جي حوالي سان ڪو واضح پلان نه هجي.
اچو توهان کي ٻڌايون ته مردن کي ڪهڙي قسم جون عورتون پسند هجن ٿيون.
خود مختيار
اهڙين عورتن کي مرد وڌيڪ پسند ڪندا آهن، جيڪي خود مختيار هجن، پنهنجو ڪم پاڻ ڪري سگهن، ننڍين ننڍين ڳالهين لاءِ ڪنهن مرد جون محتاج نه هجن، انهن جا زندگي ۾ ڪجهه ڪرڻ جا پنهنجا مقصد هجن.
خوش دل
اداس ۽ شڪايت ڪندڙ عورتون پسند ناهن ڪيون وينديون پر سدائين کلندڙ ۽ موقعي جي اعتبار سان مزاح ڪندڙ عورتن کي هر هنڌ ساراهيو ويندو آهي، اهڙيون عورتون هر محفل ۾ پنهنجي جاءِ پاڻ ٺاهينديون آهن.
هاڪاري سوچ رکندڙ
اهڙيون عورتون جيڪي ناڪاري سوچ رکنديون هجن ۽ ڪنهن موقعي تي سٺو موقف پيش نه ڪري سگهن، اهي پسند ناهن ڪيون وينديون، زندگي بابت سٺي سوچ رکندڙ عورتن کي گهڻو پسند ڪيو ويندو آهي.
پراعتماد
اهڙيون عورتون، جيڪي ڊڄنديون هجن، جن ۾ اعتماد نه هجي، ٿورڙي ڳالهه تي پريشان ٿي وڃن، انهن کي ڪير سٺو ناهي چوندو ۽ نه وري اهڙين عورتن کي مرد ساراهيندا آهن، پراعتماد، باوقار، پنهنجا فيصلا پاڻ ڪندڙ عورتن کي هر هنڌ موٽ ملندي آهي.
