سامارو ( ن ع آ ) پاڪستان پيپلزپارٽي جي سينٽرل ايگزيڪٽو ڪميٽي جي ميمبر ايم اين اي نواب يوسف ٽالپر چيو آهي ته سنڌ سان ھن آدم شماري جي مرحلي ۾ زيادتي ٿي رھي آهي سنڌ جا خدشا ختم نه ڪيا ويا ته سنڌ ھن آدم شماري کي تسليم نه ڪندي اھڙو اظھار نواب يوسف ٽالپر مانجھاگر ۾ ميڊيا سان ڳالھائيندي ڪيو ھن چيو ته جنھن کي مٽي سان محبت ناھي اھو انسان به ناھي،ڪالهھ به قومپرست ھيس ۽ آخري دم تائين قومپرست رھندس ھن چيو ته 4 مارچ جي شاگرد جدوجھد جو حصو ھجڻ کي خوشنصيبي ٿو سمجھان نواب يوسف ٽالپر چيو ته سنڌ سان آدمشماري ۾ نا انصافي ٿي رھي آهي جنهن تي وزير اعلي سنڌ وزير اعظم کي آگاھ ڪيو آهي ان موقعي تي شاھنواز جوڻيجو،ول راء مھشوري ۽ ٻيا پڻ موجود ھيا
