ڪراچي پوليس کي گهربل لياري گينگ وار جو اهم جوابدار گرفتار

 

ڪراچي (ويب ڊيسڪ) ڪراچي ۾ ٽارگيٽ ڪلنگ، ڀنگ لاءِ اغوا، ڀتي، فائرنگ ۽ ٻين ڏوهن ۾ ملوث لياري گينگ وار جي هڪ اهم جوابدار کي گرفتار ڪيو ويو آهي.

پوليس ذريعن موجب جوابدار اويس بلوچ پٽ اسماعيل سنگهو لائن جو رهواسي ۽ گينگ وار سربراهه عزير بلوچ جو ويجهو ساٿي آهي.

پوليس جو چوڻ آهي ته گرفتار گينگسٽر اويس جو نالو سنڌ پوليس جي ريڊ بڪ ۾ به شامل آهي.

پوليس ذريعن موجب جوابدار ڪراچي آپريشن دوران ٻاهرئين ملڪ فرار ٿي ويو هو، جنهن کي ڳجهي اطلاع تي گرفتار ڪيو ويو آهي، جوابدار کان جاچ جاري آهي.

You might also like

Leave A Reply

Your email address will not be published.