پي ٽي آءِ اڳواڻ فواد چوڌري گرفتار، عدالت پنجاب ۽ اسلام آباد جي آءِ جيز کي طلب ڪري ورتو

لاهور (ويب ڊيسڪ) لاهور هاءِ ڪورٽ فواد چوڌري کي فوري پيش ڪرڻ جو حڪم ڏيندي پنجاب ۽ اسلام آباد جي آءِ جيز کي سڏائي ورتو آهي.

هاءِ ڪورٽ ۾ فواد چوڌري جي بازيابي بابت درخواست تي لاهور هاءِ  ڪورٽ جي جسٽس طارق سليم شيخ ٻڌڻي ڪئي.

ٻڌڻي دوران جسٽس طارق سليم شيخ پڇاڻو ڪيو ته فواد چوڌري ڪٿي آهي؟ جنهن تي سرڪاري وڪيل ٻڌايو ته سڀني سان رابطو ڪيو آهي پر پي ٽي آءِ اڳواڻ پنجاب پوليس وٽ نه آهي.

جنهن تي جسٽس طارق سليم شيخ چيو ته آءِ جي پنجاب کي سڏايو، جنهن تي سرڪاري وڪيل جواب ڏنو ته آءِ جي پنجاب به صوبي ۾ نه آهي.

جنهن بعد عدالت پنجاب ۽ اسلام آباد جي آءِ جيز کي شام ڇهين وڳي طلب ڪندي سرڪار وڪيل چيو ته پهريان فواد چوڌري کي پيش ڪيو بعد ۾ اوهان کي ٻڌندس.

فواد چوڌري جو راهداري رمانڊ منظور

ان کان اڳ جڊيشل مجسٽريٽ پي ٽي آءِ جي سينيئر اڳواڻ فواد چوڌري جو راهداري رمانڊ منظور ڪندي کيس اسلام آباد جي لاڳاپيل عدالت ۾ پيش ڪرڻ جوحڪم ڏنو.

اسلام آباد پوليس فواد چوڌري کي لاهور جي مقامي عدالت ۾ جڊيشل مجسٽريٽ آڏو پيش ڪيو ۽ کيس اسلام آباد منتقل ڪرڻ لاءِ راهداري رمانڊ جي درخواست ڪئي.

عدالت رمانڊ منظور ڪندي کيس اسلام آباد جي لاڳاپيل عدالت ۾ پيش ڪرڻ جو حڪم ڏئي ڇڏيو.

نيلسن منڊيلا خلاف به اهڙو ئي ڪيس داخل ڪيو ويو هو : فواد چوڌري

ٻئي پاسي عدالت ۾ پيشي دوران پي ٽي آءِ اڳواڻ فواد چوڌري چيو آهي ته منهنجي پويان پوليس ايئن لڳائي وئي، ڄڻ ڪو مان جيمز بانڊ هجان، جهڙي طرح گرفتار ڪيو ويو، اِهو مناسب نه هو، مونکي فون ڪري گهرائي وٺن ها، پاڻ ئي پهچي وڃان ها.

فواد چوڌري چيو ته مون اليڪشن ڪميشن بابت  جيڪو ڪجهه به ڳالهايو، پورو پاڪستان اها ئي ڳالهه ڪري رهيو آهي، مون مٿان جيڪو ڪيس داخل ڪيو ويو آهي، ان تي فخر آهي، نيلسن منڊيلا تي به اهڙو ئي ڪيس داخل ڪيو ويو هو.

پي ٽي آءِ  چيئرمين ۽ اڳواڻن پاران فواد چوڌري جي گرفتاري جي مذمت

هوڏانهن  پي ٽي آءِ چيرمين عمران خان ۽ اڳواڻن شاهه محمود قريشي، شيرين مزاري، حماد اظهر، شبلي فراز، فرخ حبيب ۽ ٻين طرفان فواد چوڌري جي گرفتاري جي مذمت ڪئي وئي آهي آزاد ڪرڻ جو مطالبو ڪيو ويو.

 شاهه محمود قريشي چيو ته فواد چوڌري کي ڪهڙي ڏوهه ۾ گرفتار ڪيو ويو آهي؟ خدارا اهڙيون حرڪت بند ڪيو نه ته حالتون ڪنٽرول ۾ نه رهنديون

شيرين مزاري چيو ته ڇا ڪنهن کي منشي سڏڻ گرفتاري جو سبب بڻجي سگهجي ٿو؟ فواد جي گرفتاري شرمناڪ حرڪت آهي، فواد چوڌري کي فوري طور آزاد ڪيو وڃي.

اليڪشن ڪميشن کي ڌمڪائڻ وارو ڪيس ۾ پي ٽي آءِ اڳواڻ فواد چوڌري گرفتار

رات دير سان اڳوڻي وفاقي وزير ۽ پي ٽي آءِ اڳواڻ فواد چوڌري کي  اليڪشن ڪميشن جي ڪيس ۾ گرفتار ڪيو ويو .

پوليس فواد چوڌري لاهور جي علائقي ٺوڪر نياز بيگ مان سندس رهائشگاهه تان گرفتار ڪيو.

ان سلسلي ۾ پي ٽي آءِ اڳواڻ فرخ حبيب هڪ ٽوئيٽ ذريعي ٻه وڊيوز شيئر ڪيون جنهن ٻڌايو ته فواد چوڌري کي گرفتار ڪيو ويو آهي.

انکانپوءِ اسلام آباد پوليس فواد چوڌري جي گرفتاريءَ جي تصديق ڪندي ٻڌايو ته سندس خلاف ڪوهسار ٿاڻي ۾ سيڪريٽري الڪيشن ڪميشن جي درخواست تي ڪيس داخل ڪيو ويو آهي، جنهن موجب فواد چوڌري چيف اليڪشن ڪمشنر ۽ ميمبرز کي فرضن جي ادائيگي کان روڪڻ لاءِ ڊيڄاريو ڌمڪايو آهي.

You might also like

Leave A Reply

Your email address will not be published.