بنگلاديش پريميئر ليگ کيڏڻ ويل رانديگرن کي ڏيهه واپس ورڻ جو حڪم

پاڪستان ڪرڪيٽ بورڊ بنگلاديش پريميئر ليگ کيڏڻ وارن رانديگرن کي ڏيهه واپس ورڻ جو حڪم ڏئي ڇڏيو.

پي سي بي طرفان جاري ڪيل پڌرائي موجب پاڪستان سُپر ليگ جي ٽيمن ۾ شامل رانديگرن کي واپس سڏايو ويو آهي، اهڙو قدم فرنچائزز جي درخواست تي کنيو ويو آهي.

ان سلسلي ۾ پي سي بي جو چوڻ آهي ته رانديگرن کي ٻه فيبروريءَ تي واپس اچڻ جو چيو ويو آهي، ان کان اڳ پي ايس ايل جي ٽمين ۾ شامل رانديگرن کي اٺ فيبروري تائين بي پي ايل کيڏڻ جي اجازت هئي.

پي سي بي موجب فرنچائزز پي ايس ايل لاءِ رانديگرن کي تندرست ۽ تيار ڏسڻ چاهين ٿيون.

بي پي ايل کيڏڻ وارن رانديگرن ۾ محمد عامر، شعيب ملڪ، حارث رئوف، محمد رضوان، محمد نواز، نسيم شاهه ۽ افتخار احمد سميت ٻيا رانديگر شامل آهن.

ياد رهي ته پاڪستان سُپر ليگ جو اٺو ايڊيشن تيرنهن فيبروريءَ کان شروع ٿيندي.

You might also like

Leave A Reply

Your email address will not be published.