ڀارتي فوج جي هڪ ٻئي اعليٰ آفيسر ڊيوٽي دوران آپگهات ڪري ڇڏيو

ڀارتي رياست مڌيا پرديس ۾ فوج جي ڪرنل ڊيوٽي دوران آپگهات ڪري ڇڏيو.

پرڏيهي ميڊيا رپورٽس موجب ڪرنل نيشٿ کنا مڌيا پرديش رياست جي شهر جبل پور ۾ فوج جي ٽيڪنيڪل ٽريننگ ريجنمنٽ ون جي ڪامانڊنگ آفيسر طور ذميواريون انجام ڏئي رهيو هو.

پوليس موجب ڪرنل نيشٿ کنا جو لاش سنگل ٽريننگ سينٽر جي آفيسرز ميس جي ڪمري ۾ پکي ۾ ٽنگيل مليو .

پوليس کي آپگهات ڪندڙ ڪرنل نيشٿ کنا جي کيسي مان هڪ نوٽ مليو جنهن ۾ هن پنهنجي ئي هٿان زندگي جو ڏيئو اجهائڻ جو اعتراف ڪيو آهي.

پوليس موجب آپگهات ڪندڙ ڪنرل پنجويهين آڪٽوبر 2022ع کان گهرو اڻبڻت سبب زال ۽ ٻارن کان ڌار رهي رهيو هو.

ياد رهي ته ڀارتي فوج جي سپاهين ۽ آفيسرن ۾ آپگهات جو لاڙو تمام گهڻي حد تائين وڌي ويو آهي، گذريل هفتي به مڌيا پرديش جي ئي شهر نرمدا پور ۾ هڪ ڪيپٽن اهڙي طرح آپگهات ڪري ڇڏيو هو.

You might also like

Leave A Reply

Your email address will not be published.