ڪراچي سٽي ڪورٽ ۾پيءُ هٿان ڌيءُ قتل، سپاهي معطل

ڪراچي (رپورٽر) ڪراچي سٽي ڪورٽ جي گيٽ تي پيءُ گوليون هڻي ڌيءُ کي قتل ڪري ڇڏيو. رپورٽ موجب گذريل ڏينهن سٽي ڪورٽ جي گيٽ تي جوابدار امير زمان مسعود عدالت ۾ بيان ڏيڻ آيل پنهنجي 18 ورهين جي نياڻي ساجده تي پسٽل جا فائر ڪري ڏنا، نتيجي ۾ ناري ٿڏي تي قتل ٿي وئي جڏهن ته ڄنگهه ۾گولي لڳڻ سبب هڪ پوليس اهلڪار عمران زمان زخمي ٿي پيو.پوليس جوابدار کي حراست ۾ وٺي ڇڏيو.پوليس جو چوڻ هو ته ناريءَ پسند جي شادي ڪئي هئي ۽ بيان رڪارڊ ڪرائڻ لاءِ عدالت آئي هئي.ٻئي طرف ايس ايس پي سٽي شبير سيٺار عدالتي احاطي ۾ ناري جي قتل جو نوٽيس وٺندي ڊيوٽي ۾ غفلت جو مظاهرو ڪرڻ تي هڪ پوليس اهلڪار کي معطل ڪري واقعي جي انڪوائري جو حڪم ڏئي ڇڏيو.

 

You might also like

Leave A Reply

Your email address will not be published.