پوليس کي عام طور تي خبر هوندي آهي ته علائقي ۾ ڦُر ڪير ڪندو آهي: چيف جسٽس         

اسلام آباد (ويب ڊيسڪ) چيف جسٽس آصف سعيد کوسا چيو آهي ته پوليس کي عام طور تي خبر هوندي آهي ته علائقي ۾ ڦُر ڪير ڪندو آهي.

سپريم ڪورٽ ۾ قتل ۽ ڦُر جي 7 جوابدارن جي موت جي سزا خلاف اپيل تي ٻڌڻي ٿي. عدالت شاهد نه هجن ڪري ستن جوابدار کي بري ڪري ڇڏيو.

چيف جسٽس آصف سعيد کوسه ريمارڪس ڏنا ته عام طور تي پوليس کي خبر هوندي آهي ته علائقي ۾ ڦُر ڪير ڪندو آهي، ڪڏهن ڪڏهن پوليس جي چوڻ تي به ڪيسن ۾ جوابدارن جا نالا شامل ڪيا ويندا آهن، شايد هن ڪيس ۾ به جوابدارن جي نالي ائين ئي شامل ڪيا ويا.

ھي به ڏسي سگھو ٿا:  وزيراعظم پاران ڪشميرين سان يڪجهتي لاءِ جلسي جو اعلان

عدالت فيصلي ۾ چيو ته پوسٽ مارٽم 14 ڪلاڪ دير سان ڪيو ويو ۽ ڪيس کي ثابت ڪرڻ لاءِ فريادي ٺوس شاهد پيش نه ڪيا.

جوابدارن  ۾ امجد علي، محمد خالد، ظفر اقبال، عبدالقيوم، منظور عرف جوري، محمد طارق ۽ اڪرم عرف ڊاڪو شامل هئا. انهن تي قصور جي علائقي پڪا روڊ تي ڦُر ۽ قتل جو الزام هو. ان ڦُر دوران محمد شريف نالي شخص به قتل ٿيو هو.

You might also like